韓牛韓式燒烤 (Closed)

#韓牛以前中學果陣好鐘意去漢陽苑食燒肉，因為又平又任食，款式都算幾多。漢陽苑已經結業但同一個位置開左間韓牛👀朋友話不如試試佢同漢陽苑比較下。入到去🙈係99.99%同以前嘅漢陽苑一樣，對於我哋嚟講充滿回憶。即刻出去夾返啲肉肉魚類黎食😆牛舌有返咁上下厚度，燒完之後有少少靭軔地，帶少少胡椒味。牛仔骨同牛肉粒肉都軟腍，本身已經調左未，個人覺得偏鹹所以唔洗再沾調味料。我自己就最鍾意燒三文魚骨，三文魚帶大量魚油，唔使落油都一定唔會燒焦，而且會做到外脆既感覺，三文魚味加咗黑椒調味，好香口。好少地方有三文魚骨食。今餐可以補充足夠omega 3。除咗熟食，仲有經典前菜同魚生。木桶豆腐花任裝雪糕雪條朱古力噴泉同埋自製棉花糖， 小朋友黎一定好開心🥳。