金御海鮮酒家 (Closed)

星期日朝早7點半就去到，今次係第二次。呢間都算係舊式酒樓，大部份都係老人家同搭枱，我就選擇唔搭枱。佢啲孖寶最貴個果都係30幾蚊，星期六同日加兩蚊，都係蒸飯，粥或炒麵再配一樣點心。所有點心同飯上枱熱辣辣，唔好睇小個飯以為好細，都好多米。我食咸魚肉餅飯，價錢經濟當然肉餅都唔會好大舊啦，我就覺得肉餅飯好食過章魚肉粒飯啦。我兩個人叫兩個孖寶加一籠點心，點心有款係蝦餃，燒賣，菜餃每樣兩粒。呢個價錢同質素都算係咁，本來影左孖寶個張點心紙，點知唔見左🤣