台灣郎

Open Now

Now Closed

星期日，同阿媽去咗上環行海味街，由上環嗰邊開始行到西營盤，阿媽有收穫，但我哋行到尾想回程先發現原來已經兩點幾我哋仲未食嘢，喺呢個住宅區，細細間嘅食店其實為數唔少，見到呢間主打台式食物的門面唔錯，貪佢坐得舒服，又有位可以容納我哋一袋二袋嘅戰利品。先點飲品，洛神花茶和水蜜桃乳酸爆珠，可以話係一個係傳統，一個屬於創新，雖然唔係第一次食爆珠，但二十蚊有爆珠絕對抵飲。再來台南魯肉飯，$35好抵食，有半隻蛋，睇落碗仔唔大但裝到滿滿咁，大量嘅肉碎舖滿喺飯面，好滿足，天氣凍咗係要有啖飯落肚嘅。台灣郎蚵仔麵線都係我必點嘅台式美食，超開心，因為頗大碗，造法都幾正宗，蚵仔大大粒，仲有煮得啱啱好嘅豬大腸，加埋香菜，大愛。估唔到喺西區呢個改革咗嘅社區會有咁高水準的台式食店，除咗好似我呢類嘅遊客，仲見到有唔少街坊幫襯。