聚點 (Closed)

喺尖沙咀睇完戲 諗住去搵平平哋嘅晚餐點知行去鐵路站發現“聚點“ 畀佢門口餐牌吸引住 又攰又餓就決定試一試!兩隻餓鬼望住餐牌好多嘢都想食😂 最後兩個人叫左四個小菜同飲品 (好彩冇叫飯 如果唔係一定食唔曬)最正係聚香雞! 真係意料之外🙊鍾意食辣嘅又點會放過佢個秘製口水醬。(我淨係食e個醬😂)望落同普通辣椒醬冇乜分別 (中間)，但食個下聞到好香🤭 食落又冇好油嘅感覺，唔係好辣少少麻，食辣新手可以一試!👍 雞又唔肥 可以大啖連雞皮食，正。🤭其次係柚子骨，幾重柚子味! 都唔錯。另外仲叫左黃金蝦，一定要熱辣辣食! 真係食到有蛋黃，又香口又好味。最後有砂鍋雲吞雞煲(例) 份量好多🤭 雲吞ge蝦都幾大隻下，而個湯可以就甘飲，幾清甜! 👍總括而言：今日用餐都幾滿足，價錢唔係好貴，就食到好好好飽! 質素唔差：)