凱柏冰室 (Closed)

不嬲都鍾意食冰室嘢，今日咁啱經過呢間位於荃灣嘅冰室，於是就入去試下。冰室至尊常餐香濃嘅豬骨濃湯底，簡單配個出前一丁都好好味，加埋大大塊香茅豬扒，美中不足係中間有小小鞋。厚多士真係厚多士，外脆內軟，香甜可口。牛乳炒蛋夠滑，搭多兩塊火腿，perfect！經典鐵板餐西冷牛扒加香烤雞扒配薯菜，我哋揀咗番茄汁。牛扒好嫩滑入味，唔洗蘸醬汁已經好味。雞扒煎到好香口，同牛扒一樣咁滑。火腿、腸仔、粟米等配菜中規中矩，薯條就腍咗啲，不過都正常嘅。份量十足，價錢合理，經典懷舊港味，經過不妨試下。