彩晶軒 (Closed)

從開業到現在一直幫襯，起初上至老闆，下至樓面都很友善，待客至上，所以家中甚至親友大小喜事都在此宴客，直到幾年前經理，樓面相繼離職，新的經理樓面態度其差，食物質素亦開始下降。本來高高興興食冬至飯，食套餐包2jar 橙汁，點知來了汽水啤酒，我們立即更正我們套餐是橙汁，因為小朋友多，俾汽水啤酒我地都無用。點知樓面阿姐黑面話無橙汁，得依d...當經理先生經過發現汽水啤酒係我地枱面，走過來話我地叫既餐係唔包汽水啤酒，立即叫人收走未開的汽水啤酒，仲話開左個d當蝕左俾我地，仲問邊個話無橙汁。既然有橙汁，我地當然要求換返橙汁俾我地！經理先生黑口黑面話後補，當然好耐都未拎到來。最後橙汁到左一陣,我地仲有起碼1.2jar 未飲，經理先生見到我地枱面有5隻吉杯，又叫人收走我地d杯，唔通又怕蝕俾我地？一個$4388既套餐真係會因為幾罐汽水啤酒而蝕錢？真心唔明經理先生咁做用意何在？！唔係客人錯仲用咁既態度，依d待客之道真不敢恭維！