嚐仙 (Closed)

食完晚飯想再食糖水，醒起早排經過銅鑼灣見到呢間甜品店新開，就同朋友一齊嚟試吓。我哋兩個人share左一碗五色牛奶冰，佢有多款配料可以比你自己揀，我哋揀咗仙草、布丁、芋圓、小丸子同地瓜泥。咁多樣配料入面，我個人最鍾意地瓜泥，地瓜泥真係食到一絲絲地瓜嘅口感，甜味亦係自然嘅甜味；布丁好滑；芋圓煙韌；仙草滑溜，有少少藥材味；而小丸子就冇乜味，建議下次唔好揀小丸子。冰底係普通嘅碎冰，但係就浸左喺花奶入面，就咁食唔太甜，所以我哋加咗好多另上嘅煉奶😆 $55一份冰兩個人share都算合理價錢，雖然食物冇乜特別，但經過都可以一試。