麥上日光 (Closed)

行行吓街果陣就諗緊next day嘅早餐食乜好...既然見到「麥上日光」...就不如買包食啦！有2款新產品喎！門口有一級...但再入店舖果一級先有斜梯 @@如果2級都有就好喇！起碼輪椅使用者都可以入去麵包舖...始終自己揀包係開心d...基於鍾情綠色嘅關係...所以揀咗綠茶芝士...芝士嘅份量係相當澎湃！由於時間關係...所以喺雪櫃拎出嚟後就立即食...其實可以放入焗爐微微焗2分鐘...不過凍食亦唔錯...芝士食落好滑...好濃...綠茶味都食到少少...好食喎如果再濃郁d...相信可以中和吓芝士嘅滯膩感...下次試埋柚子芝士先～