碗盛 (Closed)

呢度嘅餐廳環境都算幾好，店員嘅服務態度亦都唔錯。我喺天后站行出嚟，行三個街口，時間大約3分鐘，就可以嚟到呢度。店舖裏面嘅裝修都非常有日本特色，位置都算寬敞，可以俾四個人一齊坐都OK。我就先叫咗一杯百香果烏龍茶，初頭我會以為係好甜，但係後來當佢嚟到嘅時候，發現其實一啲都唔甜，反而有好香嘅百香果味道。接下落嚟就係下午茶甜品。之後我就叫咗呢個綠茶窩夫漢堡，等咗大概三個字，終於嚟到，窩夫本身唔算話特別大份，但係都算幾精緻，有日式小丸子、厥餅，再配埋溫和左宇治金時嘅忌廉，一啖熱辣辣嘅窩夫，再配埋勁滑嘅忌廉，仲有紅豆，加埋一齊食，就非常好。