A La Umai (Closed)

年廿四維園年宵開鑼, 行完年宵順便喺天后食埋晚飯. 記得上次喺天后食晚飯見到A La Umai易拉架標示喺商業大廈二十五樓可望維港景緻, 行完年宵有啲攰, 無謂虐待自己, 一於食餐好又可以休息吓.餐廳燈光幽暗, 播送輕快慢歌, 全部都係二人枱, 似乎係約會之選. 餐廳安裝落地大玻璃, 將維港景緻盡收眼底.餐牌有Set Dinner可揀, 五道菜望落都幾豐富.前菜18個月黑毛豬風乾火腿伴哈蜜瓜. 風乾火腿豐凝咸香配上哈蜜瓜清爽香甜, 永遠係最佳拍擋, 伴碟有少少黑醋汁, 酸酸甜甜更加清新.頭盤三文魚他他. 肥美滑溜三文魚切碎配上青瓜薄片, 上面放上魚子碎, 入口有三重口感, 伴碟有幾點類似柚子汁, 蘸汁味道更加豐富.餐包微暖剩食唔加牛油都食得好滿足.餐湯鮮蠔濃湯濃道適中啖啖鮮蠔味, 上面劃花忌廉伴上更加滑溜.主菜烤美國安格斯300日肉眼配紅酒汁, 安格斯肉眼油脂分佈適中, 牛味香濃, 鮮嫩多汁, 配上紅酒汁或芥末汁都嫩滑可口. 不過主菜缺乏薯仔或薯條之類澱粉質, 食完主菜都仲係半飽.最後甜品餐茶二選一, 其實餐茶成本唔高, 兩樣都有就更加好. 甜品似乎比較好, 是日甜品係麵包布丁, 剛好