Video
Read full review
2024-05-26
30 views
重遊昔日工作舊地，發現四周煥然一新。其中繁華燈光映照下發現咗呢間韓式小店「都市樂」，隱藏喺德民街一條小巷之中。店舖細細，但服務員非常周到。一坐低已經有六款韓式前菜，有大豆芽、芝麻菠菜、泡菜、醋漬青瓜、醬油翠玉瓜、同埋我最愛嘅蜜糖薯仔😍 如果鍾意某幾款，食晒仲可以請店員添加，真係食到滿足為止❣️我哋主菜要咗個炸醬麵，即叫即煮，麵條彈牙，味道正宗😋另一個秘製炆牛肉配飯，配菜有白蘿蔔、紅蘿蔔、栗子等，全部都炆到勁腍勁入味，湯汁精華配飯簡直一流👍🏻之後又叫多個小食泡菜煎餅～ 煎餅泡菜香辣細細三件，幾口一個，夠晒的式，煎到外香脆內軟綿～最重點推介嘅係自家制特飲糖漬檸檬梳打，加有蝶豆花，所以睇見藍紫色好靚。夏天飲最解渴消暑🧊
店舖細細，但服務員非常周到。一坐低已經有六款韓式前菜，有大豆芽、芝麻菠菜、泡菜、醋漬青瓜、醬油翠玉瓜、同埋我最愛嘅蜜糖薯仔😍 如果鍾意某幾款，食晒仲可以請店員添加，真係食到滿足為止❣️
我哋主菜要咗個炸醬麵，即叫即煮，麵條彈牙，味道正宗😋
另一個秘製炆牛肉配飯，配菜有白蘿蔔、紅蘿蔔、栗子等，全部都炆到勁腍勁入味，湯汁精華配飯簡直一流👍🏻
之後又叫多個小食泡菜煎餅～ 煎餅泡菜香辣細細三件，幾口一個，夠晒的式，煎到外香脆內軟綿～
最重點推介嘅係自家制特飲糖漬檸檬梳打，加有蝶豆花，所以睇見藍紫色好靚。夏天飲最解渴消暑🧊
Post
