當文歷餅店 by Dominique Ansel (Closed)

每次經過尖沙咀海港城嘅分店 都會忍唔住走去望吓個Menu 每次都係大部份款式售罄😉今次路經中環時 突然發現呢間排隊甜品店喺呢度新開 又唔使排隊 咁梗係要入去試吓啦🍰🍫🧁叫咗一杯招牌嘅熱朱古力 店員會提醒你手機要ready 因為當棉花糖放落朱古力嘅一刻 棉花糖就會綻放成為一朵小花 望住佢綻放真係覺得好神奇😂😂😂 熱朱古力有少少苦味 超級濃最鍾意飲熱奶茶嘅我哋 見到有黑白淡奶造型嘅甜品 冇理由唔試嘅🙋🏻‍♀️ 海鹽味唔太突出 反而焦糖存在感太強 冇對比之下 味道太甜 但係打卡影相一流📸花生造型嘅係沙嗲牛肉包 好香濃嘅花生味 沙嗲醬汁濃厚 鹹甜鹹甜配合得很好 只係入面嘅牛肉有啲太碎 切嘅時候好容易跌晒出嚟👉🏻👈🏻價錢偏貴 但係考慮到店舖地點 如果想搵個地方飲杯嘢同朋友傾吓計 呢度都係唔錯嘅選擇🤗