榮光粉麵小廚

Open Now

Now Closed

對於食嘅要求，色、香、味同鑊氣，真係缺一不可！嚟到上水嘅榮光粉麵小廚，本身以為係食牛腩、魚蛋嘅粉麵舖，但原來餐廳嘅選擇非常多，仲有小炒同唔少茶餐廳美食，係一間非常全面嘅港式餐廳，絕對可以搵到你嘅comfort food！花膠雞煲翅唔好以為喺茶餐廳食花膠雞煲翅就整得求求其其，榮光粉麵小廚嘅花膠雞煲翅用料十足。湯頭味道以濃郁嘅雞湯做基底，加上花膠同翅，係味道除咗鮮甜之外，仲帶有膠質嘅質感，可知啖啖都充滿骨膠原啦！菠蘿生炒骨即叫即炸，非常香口！炸漿非常脆薄，咬開非常juicy，肉質嫩滑。除咗肉之外，菠蘿生炒骨嘅重點又點少得菠蘿呢？微甜嘅菠蘿沾上酸酸甜甜嘅紅醋醬汁，越食越開胃。金獎蒜香骨蒜香骨表層鋪滿炸蒜，賣相非常吸引。榮光粉麵小廚特意用上豬肋骨嚟處理，火候控制得宜，肉質嫩滑，搭配住炸過嘅蒜粒一齊食，夠晒惹味。金銀蛋時蔬白菜仔加上鹹蛋、皮蛋作金銀蛋，浸住嘅上湯清甜，啱晒食完肉之後，有一種消除油膩嘅感覺。