天勝

Open Now

Now Closed

星期五晚約咗最接近神嘅男人去銅鑼灣食飯，佢話知道我鍾意食日本菜式，專程book定位帶我食他日本客人推薦的 天勝。裝修佈置看似地道和式居酒屋，重點係一踏入餐廳就聽到周圍嘅人都係講日文，感覺好似返左我地日本鄉下咁，連日本人都爭住幫襯令我對呢度更加有信心，食餐飯都變得越來越精神。首先食個 salad 開胃，蟹子沙律 $88粒粒晶凝通透的蟹子，入口已經爆開味道新鮮，青瓜番茄仔沙律菜口感清脆。我哋叫有啲佐酒小食，一品料理當中我最喜歡就係薯仔牛肉煮，感覺味道就好似喺鹿兒島嘅時候食到嘅鄉土料理一樣，薯仔炆煮入味牛肉軟腍，一試愛上鄉土情懷的傳統味道。男神原來好鍾意食炸物，一於來一客雜錦天婦羅，炸得夠薄夠脆而且外脆內嫩，品嚐時可以沾上一點岩鹽或者天婦羅汁一樣夠鮮美。賣相看似普通的鉄火卷，一入口滋味無窮！吞拿魚卷壽司，層次豐富食落有驚喜！最後不能錯過鍋仔湯烏冬，手掌咁大隻嘅天婦羅炸蝦，一整個鐵鍋上枱，保持住新鮮熱辣的溫度，材料十足，烏冬彈牙，湯底清甜，一飲而盡。誠意推介比同樣有思鄉病嘅日本粉絲，因為這裏的日本師傅跟同樣說日文的侍應，真的置身日本一樣。