四川菜大平伙 (Closed)

呢間四川菜大平伙係中環打卡牆對面，所以門口keep住有好多遊客行黎行去。餐廳裝修同格局簡直係一個藝術館，有好多藝術品擺設，仲有啲係有標價比大家買。餐廳顧名思義就係食川菜，中午過黎有個抵食午市套餐，按人數叫餸。黑木耳 - 爽脆彈牙，味道比較麻，酸味較少，調整口味食呢度既川味夫妻肺片-唔會好似其他川菜咁鋪滿紅椒蒜頭，用紅油略拌，風味非凡。宮保雞丁 - 雞髀肉切粒，個汁辣中帶酸，加上腰果，口感豐富。回鍋肉 - 有炒豆乾同野菜，平衡番回鍋肉既油膩。呢度既餸菜麻比較重，唔算太辣，如果啱口味絕對應該黎一個藝術館午餐。