巴依餐廳

Open Now

Now Closed

好耐冇去西環啦!!! 有d掛住巴依，以前每次經過水街都會聞到好重既香料味同羊騷味，真係好香好吸引!!! 今次約埋幾個朋友一齊過去食返個羊肉宴先!羊肚湯份量好足! 每人可以飲到2-3碗，入面仲有好多羊肚同白蘿蔔，有少少羊騷味手抓羊肉羊肉非常腍，而且香滑嫩口，啖啖都係豐富既羊騷味，鐘意食羊既朋友一定要試下!! 點埋孜然粉更香更惹味!!手撕椒麻雞懶人最愛既手撕雞!! 完全唔怕有骨，正!大大碟既雞肉，肉質好嫩滑! 食落都有椒麻味，麻麻辣辣，好好食!新彊拌麵羊肉汁好夠味，麵質軟硬度岩岩好，仲有羊肉、蕃茄同菜，味道唔錯!!