清真牛肉館 (打鼓嶺道)

Open Now

Now Closed

呢日同屋企人去附近醫院探病後便嚟到九龍城，實在太耐冇食過清真牛肉館喇，大家都異口同聲噉話要嚟食，鑑於以前曾經幫襯過龍崗道嗰間嘅態度唔好，之後轉去打鼓嶺道呢間比較好，所以都習慣嚟遠啲嘅呢間～去 清真牛肉館 點牛肉餅就必定架喇，但其實佢嘅羊肉都唔錯㗎！當然先要一客牛肉餅 — 以前嘅牛肉餅一咬就爆汁，但今次就比較少了，雖然仍有湯汁，但可能俾肉餡索哂，但成個牛肉餅嘅味道仍然好好味～個人更喜歡羊肉小籠包 — 皮薄餡多，散發出輕微嘅羊羶味，而且勝在肉汁超多，咬一口簡直爆汁，溫度恰好，微暖又唔辣口～呢個超級大份！湯清甜少油，雞肉都幾滑，好容易撕開嚟食，雲吞都唔少，皮薄，但就肉餡居多菜餡較少。