餃嘢 (Closed)

今日去荃灣經過呢間餃子店，午飯時間快要滿座，剛好有位即入去，餃子口味有10多款，湯煮有關東煮、麻辣、三鮮蕃茄湯，還有芝麻醬或酸辣拌餃子，亦可選煎餃子。加麵也有5款麵類，有米線、公仔麵、烏冬、廣西伊麵、紅薯粉。全日餐 $58非常實惠，有10隻餃子 或 5隻餃子加麵，小食A一款，B一款，還有飲品。羊肉餃子加$10，羊肉好嫩腍，微微羊羶味，仲超多肉汁，鮮甜帶蔥香，加上孜然粉，令羊肉更香更惹味，皮薄餡多好好味。麻醬拌麵帶有濃郁芝麻醬香味，唔會太咸，拌麵好滑，亦掛滿醬汁，好正。酸辣鳳爪超級正，個酸辣汁開胃食唔停口，酸酸地微辣，而且夠入味，有2大隻。蔥油淋生菜，好爽脆乾淨。加$15有3隻蒜香雞翼，無咩蒜味，似蜜汁雞翼，甜甜地好香口。飲品揀左生椰奶茶，好飲呀。奶茶香滑，多左份椰奶香，比一般奶茶更好飲。