念川居 (MOKO新世紀廣場)

Open Now

Now Closed

天氣變涼自然會想食啲辣嘢，雖然自己唔係叫好食得辣，但間中又會想食辣，喜歡果種辣得過癮的感覺，都幾矛盾。今次試咗呢間，因為懶得揀的關係，所以叫咗個4人餐，前菜有4 款，然後湯、水煮魚、胡椒蝦、蔬菜、半隻雞、炒飯同甜品，份量充足，食到好飽。至於味道方面，只係水煮魚同個湯係辣，其餘都唔辣，對於以川菜為主打的餐廳是有點奇怪，而且4小碟前菜竟然無一碟係辣更覺匪夷所思，個餐牌設計上很奇怪，對於一心想食辣既朋友這個餐就不太適合，建議可以散叫唔好懶😂比較特別既如下：🔸招牌脆皮血旺係炸黃金豆袋做法，但入邊係豬紅，口感都係外脆內軟，都okay🔸蒜泥白肉個蒜泥做得好幼細，好似蒜泥cream 咁，幾好味🔸川式酸辣海鮮湯🌶呢個係全晚至辣既湯，淨睇外表完全唔覺佢辣，但食落就知道🔸水煮桂花魚🌶都辣既，但條魚個魚味太重，唔夾個辣，反而更喜歡內裏的配菜，薯米煙韌有口感，用花生苗代替豆芽，更爽口及有口感，不錯🔸砂窩糊椒海中蝦海蝦爽口彈牙，蝦炸得乾身唔油膩，唯蝦沒有糊椒味，只是蝦殼有味，差咗少少餐廳環境寬敞，坐得舒適，如果食辣可試散叫應該會更好。