三笠屋 (Closed)

想揾壽司嘢食…响尖沙咀睇左陣…見到呢一間有日本司傅，應該食物有保證，於是就去試一試…一上到去，大約七点半左右，我同朋友應該係第一枱客，咁我地想靜靜地傾計，咁就冇坐吧檯，坐左去張order 枱…不過坐左一陣，有另一對order 枱客黎到…當時reception好特別，特登安排佢地坐我地隔離，其實當時大把位，佢地係冇必要咁安排，如果佢地想做一間高級日本餐廳，唔嘅安排係幾失敗，因為日本人係會照顧到客人唔同方面嘅感受…後黎…當然，另一枱客都唔鐘意，佢地要求坐遠一啲…好明顯呢間餐廳係唔夠細心…當日我地只係叫左刺身同壽司，其中嘅深海池魚係係做得幾好，輕輕嘅火炙，帶岀佢豐厚嘅油份，令人回味…不過佢件中拖羅就只係一般，大半件係赤色黎嘅比較推介嘅係壽司，感覺係比刺身做得好，其中北寄貝壽司做得好好…保存到北寄貝嘅鮮甜同爽脆…好可惜，壽司同刺身做得唔夠細心…我朋友响前菜嘅帶子同壽司嘅北寄貝都食到有沙同殼碎…有啲美中不足…