匠心廚房 (Closed)

同朋友好耐冇見👭大家都中意食中菜Book左位於尖沙咀樓上鋪既 #匠心廚房出地鐵站行一分中左右就到，超級方便！菜式有傳統又有新穎，質素不錯。環境都好舒服寬敞。韮菜煎蠔烙 $168蠔烙即係蠔餅。有別於大排檔一大塊既蠔餅，廚師將蠔烙切成三角形狀，好精細。蠔烙帶有蛋香、新鮮蠔味同埋韮菜香味，口感鬆化香脆，沾埋魚露食更滋味。🦐翡翠花雕蒸蝦球 $198滑嘟嘟既水蛋上有翠綠色既蘆筍片、大蝦球同埋杞子。賣相好靚好吸引🤩！最特別係加左🤏🤏陳年花雕酒，軟滑既水蛋每一啖都透著酒香，入口即化！ 味道富層次感，送飯一流。🐮黑椒牛仔骨煲 $198牛仔骨煲夠鑊氣，一開煲蓋香氣撲鼻。黑椒汁味香濃但唔會太辣，牛仔骨軟腍唔韌，容易咀嚼，又係好岩送飯。🥭椰汁香芒黑糯米 $38黑糯米香甜軟糯，撈埋椰汁同芒果一齊食，同朋友share岩岩好，好味又唔會膩人。