Video
Read full review
2020-03-31
25 views
今日放咗工同朋友去咗旺角食飯揀咗呢間係旺角嘅深宵食堂之前佢喺銅鑼灣已經好想食而家喺旺角有分店仲咁就腳一定要試下上到餐廳，座位都幾闊落，環境方面，有好多日本電影嘅poster嘅擺設， 仲播住日文歌，真係好友居酒屋feel叫咗以下食物頭盤叫咗個芥末八爪魚，Wasabi味好重，好味又刺激芝士蟹肉玉子燒: 呢份玉子燒份量好足，切開個玉子燒入面真係啖啖蟹肉，好滿足蒜燒象拔蚌：呢個係喺Menu冇嘅，係廚師是日推介，象拔蚌好新鮮，煮得又啱啱好，加埋蒜茸嘅配合，好鮮味仲叫咗一堆串燒：汁燒雞腎（醬汁好好味），葡萄豚肉串（原來葡萄同豚肉可以咁夾），鹽燒雞軟骨（雞軟骨好香脆），厚燒牛舌（厚身既牛舌，正呀），鹽燒雞翼（燒得啱啱好，入面嘅雞肉仲好嫩滑）豚肉生薑飯：佢嘅豚肉應該係燒過嘅，食落好香口呢間餐廳嘅食物真係好高質，最後仲有送口罩，係呢段時間更加要支持呢啲良心小店
揀咗呢間係旺角嘅深宵食堂
之前佢喺銅鑼灣已經好想食
而家喺旺角有分店仲咁就腳一定要試下
上到餐廳，座位都幾闊落，環境方面，有好多日本電影嘅poster嘅擺設， 仲播住日文歌，真係好友居酒屋feel
叫咗以下食物
頭盤叫咗個芥末八爪魚，Wasabi味好重，好味又刺激
芝士蟹肉玉子燒: 呢份玉子燒份量好足，切開個玉子燒入面真係啖啖蟹肉，好滿足
蒜燒象拔蚌：呢個係喺Menu冇嘅，係廚師是日推介，象拔蚌好新鮮，煮得又啱啱好，加埋蒜茸嘅配合，好鮮味
仲叫咗一堆串燒：汁燒雞腎（醬汁好好味），葡萄豚肉串（原來葡萄同豚肉可以咁夾），鹽燒雞軟骨（雞軟骨好香脆），厚燒牛舌（厚身既牛舌，正呀），鹽燒雞翼（燒得啱啱好，入面嘅雞肉仲好嫩滑）
豚肉生薑飯：佢嘅豚肉應該係燒過嘅，食落好香口
呢間餐廳嘅食物真係好高質，最後仲有送口罩，係呢段時間更加要支持呢啲良心小店
Post
