串燒陣

Open Now

Now Closed

朋友生日話想食串燒，我搵到呢間叫做串燒陣，就帶朋友去試吓啦。餐廳食串燒為主，我地叫咗好多嘢食，食到飽晒。我哋叫咗燒豆卜同埋燒波蘿，波蘿燒得剛剛好，好多汁，好好味。燒豆卜好得意，脆脆哋，口感唔錯。跟住叫咗燒安格斯牛仔骨 同埋燒 紐西蘭羊架，牛仔骨一啲都唔韌，羊架完全無羊羶味，正呀，食完都飽飽哋。最好味嘅係燒脆脆香燒賣同埋頂級墨魚丸 ， 燒賣外脆內軟。 墨魚丸爽口彈牙， 加上串燒用的增味份粉，味道一流。食咗咁多肉類，我哋都叫咗一啲蔬菜類，我哋叫咗燒韭菜，蒜蓉燒大茄子。 兩種蔬菜都好好味，大家食咗咁多肉類，都要食多啲蔬菜啊。