名館 (黃埔天地) (Closed)

名館第一樣吸引我既就係佢既茶！真係好好飲！係令人覺得好舒服既麥茶。而且佢連個壺都霸氣過人，係金色既。聽聞呢個黃金流沙包係好好味既，所以咩都未食先叫左籠包。好喜歡佢用黑色做包皮，上面畫左幾劃，有子華金盤“口浪”口既意境。入面個流沙餡真心滾燙，又好流質！好好味！另一個必食既點心係脆蝦棒，佢個皮真係好脆，而且蝦嘅分量好足。特别喜歡佢入面d蔬菜既配搭！咬落爽爽的聲音！正！因爲屋企人真係好鍾意食蝦，特别細佬好愛炸蝦，所以就叫埋呢個蜂蜜柚子炸蝦球。呢個同蝦棒唔同，有蜂蜜同柚子醬係出面，甜甜地好開胃。而且柚子醬落得好足！keep住咬到柚皮！蝦滑！皮脆！讚！冷盤有雞絲粉皮，除左個醬咸左少少，其他都好好！粉皮好in un, 雞絲既長闊到都岩岩好！同粉皮青瓜花生都幾夾！小籠包係爸爸話要叫既！係爸爸最愛。肉汁都算幾豐富。個皮唔會容易裂，個醋都調得岩岩好。蒜蓉白菜係我好喜歡既菜式！最鍾意D菜係蒸既！所有甜味出哂黎！用蒜蓉既咸&香去再調一調個甜味出黎真係好最後一道我覺得好好食既係蜜桃咕嚕肉！真係好好食！！！而且啖啖肉！唔似去大排檔，勁多骨，又多汁！做好既咕嚕肉一定要收汁！D汁太多太水都好sad。啖啖肉得黎D肉都