Video
Read full review
2024-05-05
1848 views
同個老死傾開偈，原本佢都未嚟過觀塘啲廠廈食私房菜，咁就啱喇，難得三人行就一於帶佢哋嚟試吓「御膳」。因為食過好幾次，出品高質，水準穩定，永無失望，所以先夠膽推薦俾大家。仲有就喺貪佢價位唔算高，亦都做得有特色。 一出電梯對正就喺餐廳，老友嘅第一個印象就喺別有洞天嘅感覺，估唔到廠廈有啲咁類型餐廳，帶少少神秘感。而推門內進，地方唔大，夾夾埋埋都喺6、7張枱左右，裝修簡約，光猛整潔，有別一般大酒樓、大酒家嘅奢華，賣嘅喺服務同食物質素。除咗散點，仲有好多款套餐，2-12人餐都有，如果懶諗，就索性俾個「筆直」店家等佢幫你度。冬瓜瑤柱海鮮羹廣東人都喺喜歡飲湯先，所以，就先上呢個海鮮羹，估唔到我哋就只喺3個人，但份量上就俾到一大湯碗，夠每人分到兩整大碗。最正喺湯頭非常之清甜，口感綿密柔滑，加上落料一啲都無手緊，裡面有好多鮮蝦仁粒、帶子粒、冬瓜絲及大量乾瑤柱，所以，鹹鮮味十足，非常之好飲！玻璃脆皮乳鴿喺店家近嚟嘅招牌菜之一，即叫即做，師傅話推出嚟喺省一省招牌。先講外觀，炸得好靚仔，色澤非常均勻亮麗，由於新鮮炸起，咬落熱焫焫，薄薄嘅外皮夠晒酥脆，肉質就非常之嫩滑細緻，卻好有肉汁，無論用料，抑或烹煮手勢都好有
一出電梯對正就喺餐廳，老友嘅第一個印象就喺別有洞天嘅感覺，估唔到廠廈有啲咁類型餐廳，帶少少神秘感。而推門內進，地方唔大，夾夾埋埋都喺6、7張枱左右，裝修簡約，光猛整潔，有別一般大酒樓、大酒家嘅奢華，賣嘅喺服務同食物質素。
除咗散點，仲有好多款套餐，2-12人餐都有，如果懶諗，就索性俾個「筆直」店家等佢幫你度。
冬瓜瑤柱海鮮羹廣東人都喺喜歡飲湯先，所以，就先上呢個海鮮羹，估唔到我哋就只喺3個人，但份量上就俾到一大湯碗，夠每人分到兩整大碗。最正喺湯頭非常之清甜，口感綿密柔滑，加上落料一啲都無手緊，裡面有好多鮮蝦仁粒、帶子粒、冬瓜絲及大量乾瑤柱，所以，鹹鮮味十足，非常之好飲！
冬瓜瑤柱海鮮羹
57 views
0 likes
0 comments
玻璃脆皮乳鴿喺店家近嚟嘅招牌菜之一，即叫即做，師傅話推出嚟喺省一省招牌。先講外觀，炸得好靚仔，色澤非常均勻亮麗，由於新鮮炸起，咬落熱焫焫，薄薄嘅外皮夠晒酥脆，肉質就非常之嫩滑細緻，卻好有肉汁，無論用料，抑或烹煮手勢都好有水準。
玻璃脆皮乳鴿
18 views
0 likes
0 comments
香煎花龍蝦好多時食龍蝦都喺上湯焗、芝士焗或蒜蓉蒸，但今次就香煎，簡單得嚟都考功夫。由於龍蝦已斬件，咁比較易分，煎得色澤金黃，啲肉一撩就起，成大大嚿肉放入口，不知幾爽，亮點喺蝦肉彈牙到不得了，又極有蝦鮮味，加點點豉油王去煎，更有提鮮之效。墊底嘅脆麵都唔好錯過，卜卜脆，過吓口癮。
香煎花龍蝦
14 views
1 likes
0 comments
白胡椒爆炒南非鮑魚繼續又喺海鮮菜式，再嚟喺南非鮑魚，一上枱就散發出濃濃白胡椒香，鮑魚爆炒之後，好有鑊氣，口感軟腍得嚟仍保持一份柔韌感，雖然白胡椒味比較搶，但不失鮑魚嘅鮮甜味。溫馨提示，如果唔食得太辣嘅朋友，就事先向侍應講聲「少辣」，等師傅唔好太重手。
極黑豬叉燒燒烤嘢一向梗喺即燒即食就最好架啦，呢度嘅叉燒賣點就喺即燒，加上採用西班牙黑毛豬，夠誠意又用料正。出嚟嘅成品真喺寧舍唔同，叉燒肉質極之鬆化細嫩，脂香中又滲出少少酒香，加埋少少燶邊位，老死都大讚正呀喂！
極黑豬叉燒
18 views
0 likes
0 comments
上湯浸春菜春菜唔好話食，聽都喺印象中第一次，咩喺「春菜」，個樣同個口感都有少少似芥菜，但質感比較嫩啲；又似似哋菜心，有嗰份清甜味，都幾特別，加上吸滿上湯，食起嚟更為鮮味。師傅話唔喺成日有靚春菜，出一輪又可能無咗。
極黑豬叉燒揚州炒飯同你講揚州炒飯就梗喺無咩特別啦，但加咗上述嘅極黑豬叉燒粒，仲有新鮮蝦仁，立時升級晒啦。的確個炒飯炒得好有水準，一來飯粒分明，二來唔好炒得好油，入口既爽身，又香口、夠鑊氣，再者，飯內混有好多叉燒、蝦仁、蛋絲，口感十分豐富。仲有，份量多，又喺每人分到兩大碗，食完真喺飽晒。
極黑豬叉燒揚州炒飯
4 views
0 likes
0 comments
最後餐廳仲會奉送甜品，等呢餐有個甜美作結。是次甜品喺抹茶奶凍，做得唔錯，好有抹茶嘅清幽香味，個口感就做得挺身，但又夠軟滑。
都話佢哋保持到水準，時隔5年再嚟，啲嘢都無令人失望。連埋酒水都喺每人四百多少少，招呼熨貼，上菜有序，速度又啱啱好，更唔會話要幾時交枱，等客人慢慢食，慢慢傾。仲有免開瓶費、免切餅費、又無加一，好啱一大班老友嚟搞吓大聚會。
Post
