Coedo Taproom (Fashion Walk) (Closed)

舊同事相約一齊食午餐，帶咗我去咗响食街嘅呢間吧，酒吧加設午餐好似已成趨勢。酒吧外有露天座位，方便帶寵物同需要呼吸嘅客人。見店名幾特別，上網查了一下，原來係屬於一家日本啤酒品牌，唔怪之得有咁多種Tap Beer供應啦！有4款午市套餐，其實幾吸引，不過更想食鰻魚梳乎厘飯。梳乎厘飯？真係有個梳乎厘架，香噴噴要趁熱快啲食，首先要响梳乎厘開個小孔，將樽仔嘅蛋白汁倒入去，等一陣就可以搞勻嚟食，梳乎厘鬆軟空氣感十足，鰻魚酥軟甘香，撈埋飯一齊食，好味到一啖接一啖，俾我成個食曬呀。炸鹿兒島薩摩赤雞呢個炸雞好正，粉漿薄，外脆內嫩，肉質富彈性，食落肉味濃郁，好好味。食炸雞梗係要配啤酒啦，叫咗一杯Tap 2 Shiro，容易入口，果味芬香。啤酒煮蜆充滿麥香‧味道鮮甜，正呀！炸廣島蠔夠哂香脆，蠔味濃郁，唔錯。舊同事嘅吉列厚切牛脷飯，牛脷四四方方，大大舊，聽講口感好特別。下次飲嘢，又多個選擇啦。