君悅咖啡廳

Open Now

Now Closed

多次在君悅食自助晚餐，今次試吓午飯，日間可以看清楚週圍嘅環境和裝修😀我和朋友都食三道菜套餐烤蕃茄湯好味但太稠，似蕃茄醬。麵包熱辣辣，洋蔥飽最好食，外脆內軟，有洋蔥粒。凱撒沙律買相平平，醃鯷魚唔濃味，醬汁清淡，好健康呢！和牛肉質幼嫩，好淋；配菜新鮮、爽脆；加埋濃濃的黑蒜汁，酸酸哋，餸飯一流。自助餐有食過，今次認真試清楚😂可能係秘製浸雞材料，雞皮比一般海南雞深色，味道亦有啲唔同。但價錢貴，自然會有要求，雞肉雖然嫩滑，個人覺得未夠出色。反而喜歡油飯的淡淡薑油香味，唔會搶走主角的味道！芒果芝士蛋糕：買相有啲似以前食嘅果醬奶油西餅，蛋糕上的芒果醬少少酸，食落冇咁漏。士多啤梨芝士蛋糕味雪糕：冇乜特別，只有酸味，唔覺有蛋糕味Cappuccino 配蝴蝶酥咖啡唔錯，蝴蝶酥好實，唔食冇損失！