那個ㄋㄚˋ ㄍㄜ (將軍澳中心)

Open Now

Now Closed

呢日黎到將軍澳呢間那個, 係食台灣野既~ 因為早到既原因都唔駛等位, 仲有卡位坐添! 我地叫左個那個滷排骨便當, 黑麻油雞湯麵,要左關廟麵同埋加多左個夜市小食拼盤! 那個滷排骨便當好誇張, 個滷排骨超大塊, 炸得好出色, 一D都唔油, 真係好好食! 我地仲加左滷肉可以撈落D飯度, 個飯仲有好多配菜, 有粉絲, 粟米同菜, 夠哂營養均衡! 哈哈! 另外黑麻油雞湯麵既麻油味好香! 個麵好好食! D 雞都好嫩有哂雞味! 至於小食拼盤雖然好多都係炸物, 但係炸得好出色唔會食到人覺得油膩! 好中意台灣腸仔! 飲埋杯野飲真係好滿足!係黑糖珍珠鮮奶同埋紅豆牛奶沙冰! 大滿足~