Video
Read full review
2017-09-17
111 views
尋日同老公同埋奶奶夜晚食完飯之後就去咗觀塘近牛頭角一間日式餐廳度食甜品可能因為時間尚早，我哋唔使排隊入去就有位坐坐低之後見到部份人仲享用緊晚餐，二我哋三個就立即打開餐牌上嘅甜品部份睇吓啲咩甜品食。見網上嘅食評都係推介呢度嘅抹茶甜品，所以我哋一於就試吓啦！去圖:呢杯叫做日式精選抹茶芭菲，有香滑嘅抹茶雪糕，加些少紅豆，日式缺餅，日式小丸子，綠茶蛋糕，中間夾雜一啲水果，分別有火龍果同蜜瓜，中間仲有些少脆脆，最底仲有涼粉啫喱。味道好好呀！綠茶味香濃，仲有唔同口感嘅材料配搭！另外呢兩杯，分別係木瓜火龍果乳酪芭菲同埋青蘋果西柚乳酪芭菲！大致上中層同底層都係一樣，只係Toppings唔同。整體來講，鋪頭嘅裝修充滿日本嘅風味，空間尚算可以接受，甜品方面嘅味道亦都唔錯！不過服務方面，可能因為只有好少員工，一個廚房應付晚市同埋甜品飲品，所以我哋嘅甜品出得好慢！希望呢一方面可以改善！價錢方面呢，一個甜品大約係＄40至$ 50 !! 我哋買單一共用咗＄146蚊。價錢可以接受熱食同飲品方面，下次再試然後再同大家報告
可能因為時間尚早，我哋唔使排隊入去就有位坐坐低之後見到部份人仲享用緊晚餐，二我哋三個就立即打開餐牌上嘅甜品部份睇吓啲咩甜品食。見網上嘅食評都係推介呢度嘅抹茶甜品，所以我哋一於就試吓啦！
去圖:
呢杯叫做日式精選抹茶芭菲，有香滑嘅抹茶雪糕，加些少紅豆，日式缺餅，日式小丸子，綠茶蛋糕，中間夾雜一啲水果，分別有火龍果同蜜瓜，中間仲有些少脆脆，最底仲有涼粉啫喱。
味道好好呀！綠茶味香濃，仲有唔同口感嘅材料配搭！
另外呢兩杯，分別係木瓜火龍果乳酪芭菲同埋青蘋果西柚乳酪芭菲！大致上中層同底層都係一樣，只係Toppings唔同。
整體來講，鋪頭嘅裝修充滿日本嘅風味，空間尚算可以接受，甜品方面嘅味道亦都唔錯！不過服務方面，可能因為只有好少員工，一個廚房應付晚市同埋甜品飲品，所以我哋嘅甜品出得好慢！希望呢一方面可以改善！價錢方面呢，一個甜品大約係＄40至$ 50 !! 我哋買單一共用咗＄146蚊。價錢可以接受熱食同飲品方面，下次再試然後再同大家報告
Post
