胡爐 (Closed)

話說我有過同事勁鐘意打邊爐🍲，佢聲稱我差唔多食勻全香港九新界嘅火鍋店，咁啱我之前聽另一個火鍋達人朋友介紹話銅鑼灣「胡爐」火鍋店唔錯，所以我今日就帶我同事來食下啦。湯底我地就選咗花膠雞湯窩，湯底好清甜，同埋都有幾幾件大件的花膠，同埋雞件都幾多。胡爐牛拼盤一碟有晒牛肉的唔同部位，有牛舌芯、安格斯手切肥牛、極上手切牛頸脊、牛胸爽、霜降牛粒等，一次過可以食到牛的唔同部位同埋每個部位都有幾件，真係好啱我呢啲眼闊肚窄嘅人。餃拼🥟餃子我地就㨂左香菇韭黃帶子餸、手工雲吞、黑松露蟹肉餃子，我最鍾意呢就係黑松露蟹肉餃子，每啖餃子都食到黑松露嘅味道真係好正。丸拼我地就叫左四款丸，皇帝柱貝墨魚丸、手打香茜炸菜牛丸、黑松露墨魚丸及手打墨魚丸，我真係好鐘意打邊爐🍲時係咁食丸，而呢到啲丸質素都好高👍🏻。黃金炸魚皮黃金即係鹹蛋黃，當鹹蛋黃遇上炸魚皮，呢兩個夾埋根本就係絕配👍🏻。