聚聚 (Closed)

臨近新年 開始約啲親友食團年飯今次分享一間好食、抵食嘅中菜之前嚟食大閘蟹已經覺得高質見佢哋推出咗新餐『魚米之聚』即刻同阿媽嚟試吓500幾蚊有雞又有魚份量不少 食到勁飽！抵食推介❤️🔸流心雙色皮蛋伴芥末沙律花枝卷流心皮蛋上舖咗子薑蓉、薑蓉，酸酸甜甜帶點辛口，好開胃。另一款係脆脆春卷，包咗芥末沙律花枝，香而不膩。🔸雞樅菌鳳尾蝦蘑菇湯雞樅菌嘅香氣比其他菇菌濃，有點似雞肉嘅味，所以飲落好香濃，質地滑身，湯中有大隻爽彈鮮蝦，好味。🔸泰露筍松露炒帶子帶子煎到香噴噴，又甜又彈牙，而露筍用蒜炒香，爽脆好味。🔸嚐聚有米魚用咗原條沙巴魚，魚肉好嫩！魚湯奶白香濃，仲有個炸飯團，店員幫我哋將飯團整開到湯中，就好飲食窩巴加魚湯飯咁，口感豐富，好好味😋！🔸養生藥膳酥皮雞係原隻雞，充滿當歸杞子等藥材香，雞件勁嫩滑入哂味！配埋酥皮一齊食原來都好夾，好得意！份量唔少食完超飽。🔸杏汁杞子浸豆苗菜好翠綠新鮮又爽口，湯汁清甜，養生得嚟又好味。🔸薑米蛋白蟹肉炒飯最後食個炒飯暖暖胃，材料豐富，有唔少蟹肉、蛋白，薑米令味道更加惹味。🔸麻香炸湯丸+雪梨燉桃膠甜品好潤呀！有一大件煮透咗嘅雪梨，桃膠又好多，仲有炸湯丸都好特別。.🏷️2位用$