楽壽司 (Closed)

銅鑼灣區餐廳競爭大，曾食錯店鋪大失所望，今次有朋友介紹樂壽司 我鐘意呢個名。我地叫左個壽司盛 deluxe sushi platter $368 又飽又高質，服務一流。有9件壽司加前菜，沙律，湯，燉蛋同甜品。壽司真係好高質，係廚師根據當日食材而細心挑選食材所製。生蠔壽司我不假思索地一口食下，再咬等生蠔在口中爆開，融合飯再吞下。除左好滿足我冇其他形容詞。生蝦壽司呢個蝦肉厚，所以一口食下後都要咬多幾啖先咬開到d肉。 蝦的回甘在口中盛開。我呷一口綠茶，再等待下一塊壽司。帶子壽司老實說，呢個帶子比想像中薄，大概呢種帶子食既係質感，因為師傅在帶子面上微烤過，所以食到帶子半熟，也有帶子既香味。油甘魚忘記是什麼魚吞拿魚赤紅既魚生片完整地包住壽司飯，遠睇以為係假既因為形狀同顏色太完美。拖羅蟹肉蟹膏海膽貪心既我梗係一啖食哂迷你壽司丼放了海膽和魚生，也有調味。說明係迷你丼當然迷你，事實上食到呢個位已很飽。燉蛋，應有既材料都有，不可缺少既就係佢既鮮味唯一敗筆係位紫薯雪糕，可能我少食食唔慣。