Video
Read full review
2023-01-15
1230 views
大埔嘅老友話食過「喫茶ちょうぼ」洋食屋，大讚啲蛋包飯好掂，超高水準，最近，從網友口中得知，「喫茶ちょうぼ」晌正在翻新嘅「世貿中心」插旗，小弟就唔使跑到老遠入大埔啦，收工由中環過嚟就可以食到其招牌嘅蛋包飯喇。晌門面所見，裝修已經好有心思。近門口位，佈置得有種復古風嘅書房咁，加埋啲舊款梳化椅、燈飾、座地燈，真喺有種跳番去昭和時代呀。題外話，晌門口嘅旋轉樓梯喺上唔到去架，行多兩級就見「顧客止步」，不過，企晌度絕對喺好可打卡位。再走入啲，先喺左右兩排餐枱椅，裝修古雅，同樣，配以復古嘅枱椅，加點植物作點綴，而啲侍應又着住有型嘅西式套裝，睇得多日劇嘅朋友，都知完全喺日本洋食屋嘅復刻。而走到最入，仲有一知偌大嘅用餐區，呢個區域有兩個亮點，第一就喺一排窗口位，對住避風塘嘅景色，喺可惜坐唔到；第二喺正中間有張巨型嘅共用餐枱，足足可以坐到12人，啱晒一大棚朋友嚟慶祝吓生日之類。加上樓底高，空間感十足。除咗裝修有啲亮點之外，店內仲有唔少日本陶瓷餐具、小擺設、精品……等等供零售。而店內所用嘅餐具，同樣咁靚！餐牌亦見心思，除咗有中英日文對照之外，每分類都有啲食物彩繪，畫得很傳神，很有和風洋食屋嘅風格。而食物選擇
晌門面所見，裝修已經好有心思。近門口位，佈置得有種復古風嘅書房咁，加埋啲舊款梳化椅、燈飾、座地燈，真喺有種跳番去昭和時代呀。題外話，晌門口嘅旋轉樓梯喺上唔到去架，行多兩級就見「顧客止步」，不過，企晌度絕對喺好可打卡位。
再走入啲，先喺左右兩排餐枱椅，裝修古雅，同樣，配以復古嘅枱椅，加點植物作點綴，而啲侍應又着住有型嘅西式套裝，睇得多日劇嘅朋友，都知完全喺日本洋食屋嘅復刻。
而走到最入，仲有一知偌大嘅用餐區，呢個區域有兩個亮點，第一就喺一排窗口位，對住避風塘嘅景色，喺可惜坐唔到；第二喺正中間有張巨型嘅共用餐枱，足足可以坐到12人，啱晒一大棚朋友嚟慶祝吓生日之類。加上樓底高，空間感十足。
除咗裝修有啲亮點之外，店內仲有唔少日本陶瓷餐具、小擺設、精品……等等供零售。而店內所用嘅餐具，同樣咁靚！
餐牌亦見心思，除咗有中英日文對照之外，每分類都有啲食物彩繪，畫得很傳神，很有和風洋食屋嘅風格。而食物選擇都幾多元化，大類別為招牌嘅蛋包飯、意粉、定食、炸物、厚切多士、洋食肉扒、沙律、漢堡、甜品及各式各類飲品（影漏一頁飲品，見諒）。
櫻花蝦燒茄子 $69 先嚟一個「前菜」過吓口癮，實際唔單止櫻花蝦，仲加咗木魚碎、紫菜碎、蔥花，所以，味道豐富，再者，啲茄子燒得好軟腍，整體幾好食。題外話，佢哋啲餐具真喺幾靚，呢一隻碟都喺，好襯道燒茄子。
日式紅酒燉牛面肉蛋包飯 $145 跟住就要品嚐招牌嘅蛋包飯，共有8款口味，而最心水喺紅酒燉牛面肉。單喺上枱時，見到蛋面「皮光肉滑」到如嬰兒肌膚，已經好吸引，配以色澤深沉嘅牛面肉，仲有少少沙律菜，實在令人期待。
日式紅酒燉牛面肉蛋包飯
$145
9 views
0 likes
0 comments
日式紅酒燉牛面肉蛋包飯
8 views
0 likes
0 comments
南蠻塔塔醬日式炸豬扒飯 $138日式嘅吉到豬扒飯不時都有食，大多數都喺配一種酸酸甜甜嘅豬扒醬，但配南蠻塔塔醬就未試過喇。唔好睇佢好似細細配，其實份量都幾足，亦有好多件炸豬扒。
南蠻塔塔醬日式炸豬扒飯
$138
20 views
0 likes
0 comments
南蠻塔塔醬日式炸豬扒飯
10 views
0 likes
0 comments
食炸豬扒，都喺搵杯冰凍嘅梳打襯吓就最好，白桃就最啱小弟口味。賣相幾討好，加粒車厘除，放片薄荷葉，真喺靚仔晒。味道就無話好驚喜，白桃味都算突出，飲起嚟好清爽。
焙茶麻糬沙冰 $52 友人就鍾情沙冰，但覺得焙茶呢個口味好獨特，仲加埋麻糬，覺得咁嘅配搭好神奇，故此，當然要試啦。焙茶味幾芳香，沙冰打得質感亦幼細，最估唔到加咗麻糟，又唔覺得好古怪，煙煙韌韌亦幾好食。
極 • 日式布甸船 $108最後，梗喺以一道甜品作結，呢個布甸船其實喺甜牌餐牌中嘅「日式布甸」+「Lotus 焦糖芝士脆餅」嘅合拼，再加啲士多啤梨、提子、車厘子做點綴，整道甜品非常立體。呢度嘅布甸很有口碑，口感軟綿，蛋味同奶味都好濃郁；而芝士脆餅都好正，一層一層嘅消化餅碎加咗焦糖，更香、更正，中間嘅芝士餡心打得香滑，卻夠挺身，芝士味非常突出。仲有，提子同士多啤梨都喺意外咁清甜。
極 • 日式布甸船
$108
58 views
0 likes
0 comments
作為一家洋食屋，佢哋嘅出品唔止「睇得」，賣相好吸晴，仲「食得」，好味唔在講，用料不賴，尤其招牌嘅蛋包飯。加上服務細心，侍應又有禮，讓人吃得稱心滿意。
Post
