捌加廿陸天婦羅居酒屋

Open Now

Now Closed

店舖門口唔眼，內裡細細間，和式小店裝潢，幾cozy。店員親切，會向客人介紹餐牌。星期六晏晝去full house。 ✦ 自選天婦羅定食 好似車仔麵咁，先揀牛油飯/冷熱烏冬/冷熱蕎麥麵等，再揀餸。感覺幾得意。揀咗熱蕎麥麵(鯉魚湯), 配鰻魚、墨魚片、蘆筍、南瓜、日本蕃薯、茄子。麵底軟硬適中，湯汁鮮味。天婦羅麵衣酥脆、熱辣辣、唔油膩，而且食物新鮮，無論海鮮定素菜都依然食得出原有鮮味/清新嘅味道。定食仲有龍蝦味噌湯，淡淡海鮮味。 ✦ 海老穴子天丼 係幾個set好嘅丼之一，啱懶得揀嘅人。有穴子、蝦、帆立貝、皇帝蟹柳、四季豆等。特別一提穴子巨型、大過手掌，而且新鮮嫩滑。帆立貝鮮美十足，好爽彈。蝦亦係新鮮有蝦味，口感爽滑。 ✦ 唐揚魷魚鬚份量充足，少少鹹、好惹味，適合一路傾偈繼續食。 成餐飯唔造作幾溫馨，a chilling weekend。