雅典娜

Open Now

Now Closed

深水埗區真係有好多不同的平民隱世美食，好似車仔麵呀個啲。尋日同男朋友又要去鴨記買嘢，之後就去左西九food court食飯，food court有一個好處就係平民價錢同埋多選擇，但缺點就係難揾位。雅典娜好似"鐵板午餐"的食店咁做鐵板飯餐，但唔同左就係有豬扒等的食物加上肥牛鐵板飯上。不過始終唔同食店的鐵板飯有的材料都唔同，而雅典娜就真係超多粟米同汁，當然肥牛都好多，撈埋之後啖啖飯都可以有汁同牛肉香味，而且我超鍾意食粟米，真係覺得超正，我個人比較鍾意煎到有少少飯焦，所以我會嚟到之後煎下先再撈匀佢食。豬扒方面都好好味，絕對唔係話平民價就難食、好硬或者好乾咁，所以算不錯，而且佢仲有好多唔同餸菜配搭，下次再食相信應該再有不同驚喜。