阿來東南亞風味 (Closed)

油麻地區想食平靚正地道泰菜， 想起廣華街嘅《阿來東南亞風味》。二人餐$228這裏的海南雞特別美味， 一於點選2人餐， 真係抵食，兩款小菜，一款小食，仲有油飯， 飲品～《海南雞例牌》唔係雞髀嘅部位都非常嫩滑， 雞皮好爽唔會有好多肥膏👍， 雞味濃， 再蘸上秘製嘅海南雞汁， 味道提升更惹味！ 油飯都幾大碗， 粒粒甘香爽身而不油膩。《炒通菜》夠鑊氣，份量足， 加入了泰式豆醬， 特別香濃惹味， 還有蒜，辣椒爆炒， 適合重口味一族，下飯一流！《鹹蛋黃雞翼》沾上薄薄的鹹蛋黃同炸，入囗充滿 濃濃的鹹蛋香， 口感鬆化， 雞翼開邊， 外脆裏面夠juicy ，味道鹹香！ 回味！椰汁三色冰好香嘅椰汁味，夠天然， 唔会充滿糖水嘅甜～ 炎夏解渴解辣之選！咸檸七， 非常推介。二人餐特飲也不需要加$， 而且冇加一， 招呼都唔差， 會想再來的餐廳。