Video
Read full review
2020-10-08
95 views
今日喺馬鞍山，成兩點先有時間食午餐，經過呢度嘅時候，見到竟然仲有人排隊，咁估計應該係好嘢，而龍尾嗰幾個客人啱啱入晒去，咁我都即刻排吓，結果等咗3分鐘就可以入去坐低😁叫咗$56嘅午市套餐「叉雞飯」，包一杯熱飲；餐廳個名叫「大壹燒鵝」，咁我好肚餓就想食埋佢個招牌燒鵝，結果就加咗個$118嘅例牌「大壹燒鵝」😋😆叉雞飯好快就嚟到，叉燒好瘦冇肥膏，但係肉質一啲都唔硬，反而非常軟熟；切雞就係雞胸部份，幾好雞味。仲有，嗰碟蔥油非常美味，沾雞連飯一齊食好香好正。「大壹燒鵝例牌」要咗上庄，鵝肉多汁好有鵝味，鵝皮仲有少少脆，唔肥，好味，平時最多食一兩塊皮，今次竟然連皮全部食晒😆；仲加咗啲燒鵝汁撈落碟叉雞飯度食😋熱奶茶就幾香幾滑。我明白點解咁多人排隊啦😋
叫咗$56嘅午市套餐「叉雞飯」，包一杯熱飲；餐廳個名叫「大壹燒鵝」，咁我好肚餓就想食埋佢個招牌燒鵝，結果就加咗個$118嘅例牌「大壹燒鵝」😋😆
叉雞飯好快就嚟到，叉燒好瘦冇肥膏，但係肉質一啲都唔硬，反而非常軟熟；切雞就係雞胸部份，幾好雞味。仲有，嗰碟蔥油非常美味，沾雞連飯一齊食好香好正。
「大壹燒鵝例牌」要咗上庄，鵝肉多汁好有鵝味，鵝皮仲有少少脆，唔肥，好味，平時最多食一兩塊皮，今次竟然連皮全部食晒😆；仲加咗啲燒鵝汁撈落碟叉雞飯度食😋
熱奶茶就幾香幾滑。
我明白點解咁多人排隊啦😋
Post
