莆田 (美麗華廣場2期) (Closed)

莆田呢幾年好像好紅，開咗唔少店，雖然我本身唔太喜歡咁樣嘅菜色，即係睇上去好似淡茂茂冇乜味咁，但試過之後發現原來都幾好味，唔怪之得攞到米芝連。今期見到蟶子個廣告，阿妹話想試，於是乎又要陪食啦😅佢話鹽焗好味，不過我就反而鍾意清蒸，加埋蒜蓉同豉油，夠味之余仲食得出鮮味。d蟶子雖然唔大隻，但隻隻都好肥，好飽滿。另外叫咗兩個餅，配上洋蔥炒牛肉，好好味，個餅勁脆勁香口。當時應該加多2個🤣我哋仲叫咗個午市套餐，麵同小食，苦瓜好靚，略帶清甜，鹵麵都好好味。整體好滿意。另外，阿姐有幫我哋換碟，同埋問我哋啱唔啱口味，服務幾好。