一生懸麵 (荃灣千色匯I) (Closed)

今日放左工同家人出去食晚飯，去左千色匯一生懸麵食。真係肚餓快快手睇下有咩食就每人一拉麵一小食share黎食。點左海老拉麵加竹筍，辛辣拉麵加叉燒，煎餃子，唐揚炸雞。海老拉麵加竹筍：先講湯份量岩岩好，好多櫻花蝦連湯一起食蝦味香濃。叉燒香口口感良好，肉質一流。麵軟硬適中配起湯食一流。竹筍爽脆可口。辛辣拉麵加叉燒：湯底辣辣地夠醒胃好味道。叉燒燒過肥瘦得宜又香口。煎餃子：皮薄外脆內暖，而入面肉質好又多汁。唐揚炸雞：脆漿唔會太厚，炸得唔錯唔過火。肉質良好口感不錯。