白鬍子炸魚薯條 (Closed)

我一直都幾鐘意喺午飯嘅時間，同其他上班族一樣，走到天星碼頭，隨着陣陣嘅涼風，感受海邊嘅舒暢。雖然碼頭附近都有好多美食，但係多數係連鎖店。我哋希望搵啲特別啲嘅嘢食，於是揀咗呢間。我哋喺呢間店鋪買咗啲小食，然後喺附近坐低，度過左一個鐘嘅下午，然後再返公司作戰工作。呢間係以外賣形式，冇提供座位，另外有一間同一個集團嘅餐廳喺上環中環中間，嗰間有位，之前都試過，覺得味道唔錯，於是今次決定幫襯呢一間。1) 招牌炸魚薯條 (⭐⭐⭐⭐⭐):炸魚香脆，唔會太油膩，味道新鮮，有魚嘅香味，落啲檸檬汁可以去除魚腥味。至於薯條，金黃色嘅薯條看上去吸引，幾厚身，食落去有咬感，而且熱辣辣，啱啱炸起。成個餐份量都唔少，食落都幾飽！2) 黑椒檸檬炸魚薯條 (⭐⭐⭐⭐⭐):我個朋友就叫咗黑椒版嘅炸魚薯條，又係配檸檬汁。貴少少，不過味道就豐富啲。炸魚薯條有唔同嘅醬汁選擇，我哋選擇咗芥辣醬同埋泰式辣椒醬，調味料唔辣，為薯條同炸魚添上一層口感。對我黎講，醬汁係不可缺嘅！價錢方面，薯條加炸魚一共＄70左右，以中環食嘢嘅價錢來講，唔算太貴。如果第時在黎呢邊搵嘢食，呢間都係唔錯嘅選擇。