禮 (Closed)

星期五晚上想食啲好嘢開心傾吓計，就去咗太子既禮。聽聞呢度有好多美味嘅日本小菜，於是就過嚟～首先我哋叫咗個胡麻日本蕃茄沙律，份量好多，蕃茄好清甜，好好味。然後有啲類似芝士鱈魚條嘅，燒鱈魚乾，餅乾嘅口感，好惹味，係咁食。酒盜芝士，好驚喜！好惹味，有酒嘅香味，再加埋芝士，成件事好開胃。南蠻炸雞，好耐冇食過呢味菜啦！調味真係好正，非常之香口，炸雞嘅雞肉好滑，皮好鬆脆，調味一流。日式煎餃子，好味，皮薄餡靚，煎得啱啱好。富士蘋果煙肉卷，第一次食呢個配搭，又幾好味，蘋果嘅清新香味同煙肉嘅鹹香味好夾。我哋仲叫咗一個素牛肉丸串，好驚喜，識落好似食牛咁樣，估佢唔到！日本燒魷魚，好大條，好足料，調味又係一樣咁出色，好惹味。好豐富又滿足嘅一餐，好鍾意呢度嘅調味。