樂天皇朝 (Closed)

今晚同朋友到了尖沙咀樂天皇朝食晚餐。好快就安排好座位，入到去就睇下食咩先。是日點了醋醬海蜇頭，重慶麻婆豆腐，松子桂魚，原味小籠包，皇朝擔擔拉麵。小食栗子花生都幾好食。醋醬海蜇頭個海蜇質感好好，口感好似小海食咁正，味道都唔錯。重慶麻婆豆腐辣辣地易入口。松子桂魚個汁酸酸甜甜不錯，主角桂魚炸得好脆口，魚肉口感好好。原味小籠包肉質良好，熱辣辣小籠包特別好味，連埋汁泌出黎的感覺非常正。汁都算多，食小籠包必須多汁夠熱。皇朝擔擔拉麵份量都夠多，味道花生醬味都不錯，拉麵軟硬度適中。