森．湯咖哩 (Closed)

同朋友食完觀塘美味湯咖喱後，真係覺得好正啊！湯咖喱係日本北海道嘅特色菜色，想食好耐了！咁啱香港有得食。我今次揀咗飛驒和牛漢堡扒湯咖哩小辣，真係好正呀！飛驒和牛漢堡扒湯咖哩係好特別嘅組合，啲和牛漢堡扒好juicy，湯咖喱嘅醬汁就好香濃，啲辣味又啱啱好，食落去真係一絕！仲有櫻花蝦前菜同綠茶，櫻花蝦識落甜甜鹹鹹好開胃，加埋杯綠茶，真係好開心嘅開胃菜組合。小食我食咗吉列蠔同芝士年糕！另一個主食叫左吉列鱈魚柳沙茶湯烏龍麵！吉列蠔好新鮮，啲蠔肉彈牙又鮮甜，同湯咖喱嘅味道好夾。吉列鱈魚柳沙茶湯烏龍麵就係一道非常特別嘅菜式，鱈魚柳炸得香脆，湯底有沙茶味道，烏龍麵好入味。真係食完之後令人回味無窮！芝士年糕煙靭又好味！脆皮燒魚卷都係一個香口好食嘅小食！脆皮燒魚卷就好香脆，魚肉鮮嫩多汁，配埋湯咖喱一齊食真係好美味！最後係甜品開心果味刨冰！開心果味刨冰真係超好食！開心果味道濃郁，令我覺得好開心同滿足。