王朝潮順館 (得寶商場)

Open Now

Now Closed

與朋友經過這餐廳，店員說有煲仔飯食，我哋係門口睇咗一陣個餐牌，見幾抵食，咁就入咗食個午餐。餐廳都幾大間，仲有2枱大枱，啱晒家庭歡聚。朋友點咗：🐟雙鱔煲仔飯 $80雙鱔係黃鱔同埋白鱔，兩樣都新鮮，肉質鮮甜；煲仔飯上枱嘅時候非常熱辣辣，我哋倒啲豉油落去嘅時候仲發出「吱吱聲」，食完又暖心又暖胃😋。我點咗：🦢王朝招牌三寶飯(鵝肉、鵝肝、鵝腸)$80果然係大大碗飯🍚，滷水鵝應該滷咗好長時間，非常入味，鵝片肉質都幾軟熟，鵝肝香滑，鵝腸爽口，仲有半隻滷水蛋都好味。套餐包熱飲，凍飲加$3，汽水加$8；咁我哋兩個都叫咗熱奶茶，非常香滑。