鳳城酒家 (Closed)

每次如果一大班人食飯, 又想食中菜的話, 都會諗起鳳城酒家, 因為它們的乳豬, 窩貼大明蝦 (蝦多士), 脆皮炸子雞, 大良炒鮮奶等等, 都係必食之選。化皮乳豬拼生腸, 乳豬皮夠脆, 不太肥, 好食!炒桂花魚片, 一整條上枱, 頭, 魚肚及魚尾均炸得香脆, 朋友全吃掉了。脆皮炸子雞每枱都會叫的, 跟檸檬, 淮鹽, 不點也好味。 雞肉超嫩滑, 有人真的連皮吃的, 可惜我不吃。炒豆苗一般啦, 都 ok!鳳城炸粉果, 要連湯吃的, 炸得乾身, 食落少少煙韌, 有 D 似咸水角。每塊蝦多士上面都有一隻大蝦, 爽口又好食, 只是嫌多士有 D 太油了。大良炒鮮奶, 炒得很嫩滑, 不會過火, 面頭舖滿松子仁, 很香。最後到甜品了。呢個蓮蓉焗西米布甸是要預早訂的, 人多 share 食的確幾好。表面焗得香而不會燶, 入面是滿滿的西米及白蓮蓉, 西米很淋, 白蓮蓉又香又滑。Perfect!