金子半之助 (奧海城二期)

Open Now

Now Closed

今日同朋友黎到奧運，知道奧海城出名好多好野食，我地都好中意天婦羅🍤，今次就試一試幾出名既「今子半之助」。餐廳設計非常日式，而且環境好乾淨整理，燈光鮮明柔和，同朋友都坐得好舒服，無焗促感。✨松葉蟹天丼 $158我點左一個最出名既松葉蟹天丼，入邊係有松葉蟹、海老、小柱魷魚天婦羅餅、莢豌豆、海苔及溫泉蛋，而套餐亦都包含咗漬物同麵豉湯，非常開胃；首先炸物面衣炸得香脆，唔會太油膩，松葉蟹同海老雖然炸過，但亦食到鮮味，小柱魷魚更加係彈牙同清新，值得一讚嘅仲有海苔，好爽脆，調味又啱啱好，我好中意，再配合半熟嘅溫泉蛋，蛋漿將天婦羅同飯大幅昇華。✨上天丼 $118朋友點左上天丼，入邊有赤甘鯛、海老、小柱魷魚天婦羅餅、莢豌豆、海苔及溫泉蛋；最唔同就係赤甘鯛，因為做天婦羅可以話係2種享受，除左入口香酥脆身，而魚肉肉質更為鮮甜同有彈性，一試難忘。值得留意既係天丼既天婦羅唔算好脆口，因為傳統做法既天丼會把新鮮炸起的食材放上飯面，然後再均勻淋上天丼醬汁，目的係要每件天婦羅都能沾上醬汁。所以天丼既天婦羅並唔似一般天婦羅咁脆口，而追求既係每件天婦羅都能適量沾有醬汁。而金子半之助使用古早秘傳醬汁，更能重現江戶時代風味。