葫蘆燒肉刺身

Open Now

Now Closed

放假就想去試下唔同嘅嘢食。呢間都係我哋想試嘅其中一間，主打食燒肉，但都有丼同刺身今次食午餐。本身想食香蔥鹽醬豚肉丼，但冇得供應，想加$20叫2片三文魚刺身，刺身師傅未返😅。最後叫咗午市燒肉套餐，美國牛肩胛+豬頸肉$78，配麵豉湯+餐前小食，另加$8將白飯換咗菜，拎嚟襯肉食，再叫一個滑蛋鰻魚丼。燒肉套餐嘅肉都唔錯🤤！豬頸肉🐷唔會腥，相信都係新鮮，牛肉都幾香口。有三種醬汁俾客人任添用，柚子醬、燒肉醬、鹽醬三種都唔會太濃，唔會遮蓋本身嘅肉味。但用之前記得搖搖個樽，D餡沉咗底。滑蛋鰻魚丼都唔錯😋，鰻魚🐟都幾大塊，蛋🥚真係滑蛋👍🏻，飯🍚都幾大碗。所以平時行過都見到唔少人幫襯，下次可以再去食😆。