火滾安哥雞煲酒館 (Closed)

喺大角咀嘅火滾安哥雞煲，裝修簡簡單單，座位都闊落夠乾淨，以為淨係有雞煲打邊爐，點知見到隔籬枱嗌燒烤，好似幾好食，當然試吓啦。原來除咗雞煲，燒烤都一樣出色。蒜蓉燒波士頓龍蝦我最鍾意嘅龍蝦配搭，蒜蓉味好香，加埋芝士，啱晒我呢啲芝士狂，龍蝦肉夠爽甜，連龍蝦頭都有好多膏呀。鹽燒安格斯牛肉🥩個樣都燒得幾靚，簡簡單單用鹽燒，就可以食到牛肉鮮味，牛肉夠嫩口又有肉汁，唔錯唔錯。泰式燒新鮮豬頸肉豬頸肉邊位燒到有少少燶，有少少炭燒味，勁香口，豬頸肉一啲都唔鞋口，加埋啲泰式醬汁，完美配搭。