茹絲葵牛排餐廳

每年結婚周年都會去呢度慶祝，鍾意呢度的牛扒煮得剛剛好，牛扒質素唔錯，熱碟送上，所以可以保持溫度。以前冇set dinner，而家有套餐，有前菜，主菜，配菜、甜品，咖啡或茶，仲可以加錢配紅白酒或者汽酒，比起散叫更加化算，但係質素一樣咁好，侍應service都好好呢！ 結婚周年慶祝餐廳送上小蛋糕。環境方面都坐得舒適，今晚有唔少外國客人，身形大啲嘅就會覺得有啲迫😅 值得一提佢哋而家OpenRice訂座散叫嘅可以有九折，但套餐不包括在內，客人要留意。