Video
Read full review
2008-02-21
5 views
想去牛皇星好耐，早兩星期試去等位，但係太多人，結果食唔成。琴晚上個客度拜年，佢見意去試下牛乜乜，因為佢話未試過，唔係好記得個名，我話OK，跟住佢去度門口，心念正！入門口已經見度條好大嘅沙鯭(唔係泥鯭)，勁開心！因為唔係成日有得賣。出奇地唔駛等位，第一次坐樓上，都幾大幾舒服。阿姐知道我個客第一次黎，猛咁叫佢黎多D，我同佢講之前黎過兩次都等唔度位點成日黎？阿姐笑笑口話，冇計太好生意，今次食多D，然後猛Sale海鮮，話D橡跋蚌點好點好，我極少出街食橡跋蚌，因為覺得好似比錢食個殼同水(因為橡跋蚌勁吸水)，加上已前係S.F. 有個賣魚嘅老師傅教過我處埋橡跋蚌同整刺身，所以差不多有六、七年冇出街食橡跋蚌，阿姐冇癮走開，哈哈。最後叫左，蝦刺身，沙鯭，牛肉粒，手切牛(脊位)，醉雞件，黑牛柏葉，墨魚滑，生菜，豆苗，海底栮湯底。亞叔落完單又Sale橡跋蚌，天啊！！海底椰湯底，夠濃栮香，真係想知佢地用幾多椰奶，椰肉加埋海底椰，成晚食極都有。蝦刺身，切得幾好，唔會碎濕濕，生食夠甜，半熟食夠彈，蝦頭算多膏。沙鯭，切片做刺身，我地冇人夠胆生食，下次要叫佢件上，因為切得太薄落完湯D魚味走得七七八八，大件D，魚味Ke
琴晚上個客度拜年，佢見意去試下牛乜乜，因為佢話未試過，唔係好記得個名，我話OK，跟住佢去度門口，心念正！
入門口已經見度條好大嘅沙鯭(唔係泥鯭)，勁開心！因為唔係成日有得賣。出奇地唔駛等位，第一次坐樓上，都幾大幾舒服。
阿姐知道我個客第一次黎，猛咁叫佢黎多D，我同佢講之前黎過兩次都等唔度位點成日黎？阿姐笑笑口話，冇計太好生意，今次食多D，然後猛Sale海鮮，話D橡跋蚌點好點好，我極少出街食橡跋蚌，因為覺得好似比錢食個殼同水(因為橡跋蚌勁吸水)，加上已前係S.F. 有個賣魚嘅老師傅教過我處埋橡跋蚌同整刺身，所以差不多有六、七年冇出街食橡跋蚌，阿姐冇癮走開，哈哈。
最後叫左，蝦刺身，沙鯭，牛肉粒，手切牛(脊位)，醉雞件，黑牛柏葉，墨魚滑，生菜，豆苗，海底栮湯底。
亞叔落完單又Sale橡跋蚌，天啊！！
海底椰湯底，夠濃栮香，真係想知佢地用幾多椰奶，椰肉加埋海底椰，成晚食極都有。
蝦刺身，切得幾好，唔會碎濕濕，生食夠甜，半熟食夠彈，蝦頭算多膏。
沙鯭，切片做刺身，我地冇人夠胆生食，下次要叫佢件上，因為切得太薄落完湯D魚味走得七七八八，大件D，魚味Keep得好D，但係魚肉依然好滑，頭、骨、皮做椒鹽，正！！冇over-cook，唔太重味，魚汁依然好多，好鮮甜好味，D魚皮就麻麻，夠味但太多油，證明佢地唔係只係一間火煱店。
牛肉粒，品質依然！我個客都話甘大粒都可以咁Tender，好正！
手切牛(脊位)，始終冇牛粒咁肥，所以味道差D，不過都好Tender！加埋D椰香，真係一流
醉雞件，一般，D雞唔係好靚，唔知係唔係冰得太耐，冇乜雞味，見佢用料都好足，藥材都好多，但係都係冇乜味道。
黑牛柏葉，爽!! 唔知仲可以點形容。
墨魚滑，彈口，夠墨魚味。
生菜，豆苗，好靚，特別係生菜，選料好細心。
非常滿意嘅一餐，服務都算細心，特別係收碟，有一片好細嘅刺身食留左都醒我地，我地追加竹柑水時，又幫我地倒清先再加，哥仔話唔好浪費。黎過兩次都冇試過無禮對待，同D伙記都有講有笑，上次佢地太忙出唔切菜，連廚房嘅師傅都要邊切邊幫手傳菜，係好似有D唔衛生，但係我冇乜所謂又唔係五星級酒店，仲讚佢刀法好，切牛切得好靚，師傅不知幾開心，仲話比我地聽乜野新鮮。
埋單千六，我個客堅持佢請，咁就一餐非常高質數免費餐，多謝哂！
除左刺身蝦貴左D，五佰幾蚊四隻，其他都好合理C
Post